Прэзідэнт Беларусі Аляксандр Лукашэнка сустрэўся з федэральным міністрам па пытаннях Еўропы, інтэграцыі і замежных спраў Аўстрыі Себасціанам Курцам. Аляксандр Лукашэнка ахарактарызаваў цяперашні ўзровень адносін з Захадам як некаторае пацяпленне. Што да двухбаковых адносін, Аляксандр Лукашэнка выказаў задавальненне ўзроўнем супрацоўніцтва Беларусі і Аўстрыі.
У сваю чаргу Себасціан Курц адзначыў, што Аўстрыя гатова садзейнічаць развіццю пазітыўнай дынамікі адносін Беларусі і ЕС. Па яго словах, зараз няпростыя часы, асабліва для ўсходніх суседзей Еўрасаюза, паколькі існуе занепакоенасць крызіснай сітуацыяй ва Украіне. Адчуваецца пэўная напружанасць, якая адбіваецца і на сітуацыі ў рэгіёне ў цэлым. Ён таксама звярнуў увагу на цесныя кантакты Беларусі і Аўстрыі ў эканоміцы.