У Мінску распачаўся Міжнародны форум па тэлекамунікацыях, інфармацыйных і банкаўскіх тэхналогіях

У Мінску пачаў працу традыцыйны красавіцкі Міжнародны спецыялізаваны форум па тэлекамунікацыях, інфармацыйных і банкаўскіх тэхналогіях "ТІБО-2015".

У выставе ўдзельнічаюць больш за 200 кампаній з 13 краін свету сярод якіх Беларусь, Расія, Аўстрыя, Кітай, Японія і ЗША. Пры гэтым 20 працэнтаў складаюць замежныя экспаненты, а амаль 30 - новыя. Сярод іх буйныя беларускія і замежныя вытворцы тэлекамунікацыйнага абсталявання, камп'ютараў і праграмнага забеспячэння, сродкаў і сістэм бяспекі, пастаўшчыкі разнастайных ІТ-паслуг.