У Парыжы ўбачаць фільм “Брэсцкая крэпасць”. Паказ стужкі з тытрамі на французскай мове – не адзінае мерапрыемства, прымеркаванае да 70-годдзя Перамогі. У Францыі адбудзецца ўскладанне вянкоў на вайсковых могілках савецкіх салдат, да помніка лётчыкам “Нармандыя-Нёман”. Як адзначыў пасол Беларусі ў Францыі Павел Латушка, Вялікая Перамога - важная старонка агульнай гісторыі з французскім народам, памяць пра баявое братэрства, бяспрыкладную мужнасць і гераізм воінаў, якія, не шкадуючы сіл і жыцця, змагаліся за свабоду і незалежнасць. Усё гэта павінна аб’ядноўваць дзяржавы і народы.