Белрусь і Эстонія маюць намер спрыяць развіццю ўзаемнага гандлю.

         Аб гэтым ішла размова на беларуска-эстонскіх кансультацыях па эканамічных пытаннях, якія прайшлі ў Таліне на ўзроўні намеснікаў міністраў замежных спраў. Бакі дамовіліся ўмацоўваць двухбаковае эканамічнае супрацоўніцтва, спрыяць развіццю ўзаемнага гандлю, а таксама пашырыць пастаўкі прадукцыі беларускіх і эстонскіх вытворцаў на рынкі абедзвюх краін. Абмяркоўваліся пытанні ўзаемадзеяння ў сферы транспарту і лагістыкі, супрацоўніцтва ў галіне IT-тэхналогій, функцыянаванне Еўразійскага эканамічнага саюза.