Гэта стала вядома па выніках сустрэчы прадстаўнікоў Міністэрства спорту і турызму Беларусі з генеральным сакратаром Сусветнай турыстычнай арганізацыі Талебам Рыфаі. У прыватнасці, кіраўнік Сусветнай турыстычнай арганізацыі падтрымаў ідэю аднаўлення маршруту "З варагаў у грэкі" і ўдзелу Беларусі ў гэтым праекце. Штогод Талеб Рыфаі наведвае амаль 40 дзяржаў, і пабываў ужо практычна ва ўсіх краінах свету. З візітам у Беларусі ён знаходзіцца ўпершыню.