Прыток турыстаў у Беларусь будзе павялічвацца з кожным годам. Такое меркаванне выказаў генеральны сакратар Сусветнай турыстычнай арганізацыі Талеб Рыфаі ў Мінску падчас міжнароднай канферэнцыі “Устойлівы турызм для эканамічнага развіцця рэгіёнаў”. Колькасць турыстаў, якія наведваюць Беларусь пастаянна павялічваецца, што сведчыць аб развіцці ўязнога турызму ў краіне. Па словах Талеба Рыфаі, у павышэнні турыстычнай прыцягальнасці краіны немалаважную ролю адыграў чэмпіянат свету па хакеі, які адбыўся ў маі мінулага года.