У Палацы Незалежнасці 21 кастрычніка традыцыйная нарада па бягучых актуальных пытаннях.

  У адной зале ўсё кіраўніцтва краіны - больш за два дзясяткі чалавек - ад прэм'ера і кіраўнікоў абедзвюх палат парламента да сілавых структур і губернатараў. Усе пытанні - з акцэнтам на павышэнне якасці жыцця беларусаў і іх бяспекі. Унутраная стабільнасць і ўстойлівая эканоміка - гарант развіцця краіны. Прэм'ер-міністр Беларусі Раман Галоўчанка адзначае, што сітуацыя ў эканоміцы стабільная і кіраваная. Бюджэт будучага года фарміруецца ва ўмовах нестабільнай кан'юнктуры. Але, нягледзячы на знешнія фактары, сацыяльныя абавязацельствы, узятыя дзяржавай, будуць выкананы. У прыярытэце таксама своечасовае пагашэнне дзяржаўнага доўгу. Рост ВУП у наступным годзе прагназуюць на ўзроўні 1,8%. Стаўка - на экспарт, рост унутранага попыту, прыцягненне інвестыцый і мадэрнізацыю вытворчасцей.