Пасяджэнне Савета кіраўнікоў дзяржаў - членаў ШАС адбудзецца 10 лістапада

Пасяджэнне Савета кіраўнікоў дзяржаў - членаў Шанхайскай арганізацыі супрацоўніцтва адбудзецца 10 лістапада ў фармаце відэаканферэнцыі, паведамляе ТАСС. На сустрэчы плануецца абмеркаваць пытанні далейшага ўмацавання і паглыблення ўзаемадзеяння ў рамках ШАС, у тым ліку ў кантэксце глабальных палітычных і сацыяльна-эканамічных наступстваў пандэміі новай каронавіруснай інфекцыі. Увагу нададуць тэматыцы прасоўвання практычнага ўзаемадзеяння дзяржаў - членаў ШАС у галіне палітыкі, бяспекі, гандлю і эканомікі, культурна-гуманітарных сувязяў.