Дзяржпагранкамітэт Беларусі распавёў аб правілах транзіту праз нашу краіну ва ўмовах пандэміі.

  Так з 22 кастрычніка замежным грамадзянам на мяжы не спатрэбіцца даведка аб адсутнасці COVID. Таксама іх не закрануць і патрабаванні аб 10-дзённай самаізаляцыі. Але для гэтага неабходна дакументальна пацвердзіць 24-гадзінны транзіт праз тэрыторыю. Гэта можа быць білет, афіцыйнае запрашэнне арганізацыі дзяржавы ў якую накіроўваецца чалавек, пуцёўкі ў лячэбныя альбо аздараўленчыя ўстановы. Астатнія павінны запоўніць анкету і пазначыць, што знаходжанне ў Беларусі не перавысіць 24 гадзін. Пры выездзе з краіны яе праверыць памежнік.