Прадстаўнікі французскіх кампаній наведваюць Беларусь

Вядучыя французскія кампаніі наведваюць Беларусь. У Мінску знаходзяцца прадстаўнікі карпарацый Sanofi, Vinci, Accor, Leroy Merlin, кiнапрадзюсерскай кампаніі B Tween production. Агульны гадавы абарот гэтых кампаній складае каля 100 млрд еўра.

Плануецца, што яны правядуць сустрэчы і перамовы ў Савеце Міністраў Беларусі, міністэрствах транспарту, аховы здароўя, культуры, а таксама Мінгарвыканкаме па пытаннях супрацоўніцтва ў сферах будаўніцтва, транспарту, аховы здароўя, фармацэўтыкі і кінавытворчасці.