Аб'ёмы таргоў і колькасць заключаных здзелак на універсальнай таварнай біржы павялічыліся на 5 % у параўнанні з аналагічным перыядам мінулага года. Каля чвэрці біржавога таваразвароту прыйшлося на экспартныя здзелкі. Найбольш запатрабаваныя за мяжой: Беларускія піламатэрыялы, рапсавы алей, малочная прадукцыя. А з нядаўніх часоў і бурачны жом. Толькі за верасень у краіны Еўрасаюза рэалізавана звыш 7 тысяч тон такой прадукцыі на мільён еўра. Неўзабаве на пляцоўцы з'явіцца і новы інструмент-беларускае льновалакно. Прадстаўнікі біржы адзначаюць, што сёння гатовыя купляць прадукцыю ў Прыбалтыцы і шэрагу краін Усходняй Еўропы.