Крыты цэнтр фрыстайлу ў Мінску прымае спартсменаў з Расіі і Швейцарыі. Каманды праводзяць трэніровачныя зборы. Галоўная асаблівасць адзінага ў свеце крытага трэніровачнага цэнтра, паводле спецыялістаў, - магчымасць працаваць увесь год. Калі зімовы трамплін і схіл патрабуюць адмысловага догляду і падрыхтоўкі, у цэнтры фрыстайлу спартсмены прызямляюцца на спецыяльную паветраную падушку. Гэта выключае рызыку атрымання траўмы і дазваляе здзяйсняць больш за 10 скачкоў. Да прыкладу, на снежным схіле фрыстайліст выконвае не больш за чатыры спробы.