Беларуская армія і народ гатовы захаваць незалежнасць краіны, - адзначыў Аляксандр Лукашэнка. Па словах Прэзідэнта, праводзячы міралюбівую знешнюю палітыку, Беларусь будуе свой моцны і надзейны дом. Абараняць яго будуць сучасныя Узброеныя Сілы.

Таксама Аляксандр Лукашэнка ўсклаў вянок да манумента Перамогі ў Мінску. Ва ўрачыстай цырымоніі прынялі ўдзел і ўсклалі кветкі і вянкі вышэйшыя службовыя асобы, кіраўнікі дзяржорганаў, прадстаўнікі грамадскіх арганізацый, ветэраны, свяшчэннаслужыцелі, дыпламаты.
Пасля ўскладання вянкоў Аляксандр Лукашэнка сустрэўся з кіраўнікамі дыпмісій і ваеннымі аташэ. Самая цёплая размова кіраўніка дзяржавы адбылася з ветэранамі.