Прэзідэнт Еўрапейскага банка рэканструкцыі і развіцця Сума Чакрабарці задаволены сумеснымі з Беларуссю праектамі. Таксама ён высока ацаніў ролю нашай краіны ва ўрэгуляванні крызісу ва Украіне. Пра гэта прэзідэнт банка заявіў падчас сустрэчы з міністрам замежных спраў Беларусі Уладзімірам Макеем. Кіраўнік беларускага МЗС, у сваю чаргу, адзначыў істотнае павелічэнне аб'ёмаў фінансавання банкам праектаў у Беларусі. Бакі прадметна абмеркавалі рэалізацыю Стратэгіі ЕБРР для нашай краіны, а таксама далейшыя крокі па паглыбленні ўзаемнага супрацоўніцтва. Гэта будзе спрыяць стварэнню новых кропак росту і нарошчвання стабільнасці ва Усходне-Еўрапейскім рэгіёне.