Беларусь працягвае падрыхтоўку да буйной міжнароднай выставы “ЭКСПА-2015". Нагадаем, у гэтым годзе яна пройдзе ў Мілане. У беларускім павільёне размесцяцца экспазіцыйная і канферэнц-зала, рэстаран нацыянальнай кухні, сувенірны магазін. Акрамя таго, на выдзеленым ўчастку будзе арганізавана сцэнічная пляцоўка для выступлення творчых калектываў. Наведвальнікам прадэманструюць айчынныя інавацыйныя напрацоўкі ў сельскагаспадарчай сферы,  вытворчасці прадуктаў харчавання, прыродаахоўнай дзейнасці. Таксама плануецца шырока прадставіць эканамічны і турыстычны патэнцыял. Асаблівая ўвага будзе ўдзелена гісторыка-культурнай спадчыне і спартыўным дасягненням рэспублікі, самабытнасці і багаццю яе кулінарных традыцый.