Замежныя турысты актыўна карыстаюцца магчымасцю наведваць “Белавежскую пушчу” без віз.

      Амаль 1,2 тыс. турыстаў скарысталіся магчымасцю наведаць Белавежскую пушчу без візы, паведаміў генеральны дырэктар нацыянальнага парку "Белавежская пушча" Аляксандр Буры. Іншаземцы могуць знаходзіцца на тэрыторыі Белавежскай пушчы без візы не больш за тры дні. Для зручнасці наведвальнікаў распрацаваныя адна-, двух- і трохдзённыя маршруты. Усяго ж з пачатку года нацыянальны парк "Белавежская пушча" наведалі амаль 88 тыс. замежных гасцей: грамадзяне Расіі, Украіны, Польшчы, Германіі, Вялікабрытаніі, ЗША і іншых краін.