Фестываль Юрыя Башмета стартуе ў Мінску.

       Фестываль Юрыя Башмета стартуе ў Мінску арт-праграмай-перформансам "Музыка і жывапіс". Пад гучанне 29-й сімфоніі Моцарта ажывуць маляўнічыя палотны эпохі класіцызму. У ліку традыцыйных праектаў - сустрэчы з кампазітарамі сусветнай велічыні, якія ўпершыню адкрываюць для сябе Беларусь. Так,  Мінск будзе сустракаць Соф'ю Губайдуліну. Падзеямі музычнага тыдня стануць канцэрт скрыпкі Гварнеры - інструмент ажывіць расійскі музыкант Вадзім Рэпін - і візіт Каралеўскага аркестра "Канцэрт-гебау" з Амстэрдама. Закрые фестываль Маэстра Юрый Башмет канцэртам, у якім выканае некалькі прэм'ер разам з уладальнікам прэміі "Грэмі" камерным ансамблем "Салісты Масквы".