Беларусь зацікаўлена ў пашырэнні супрацоўніцтва з В'етнамам ва ўсіх сферах.

         Пра гэта заявіў кіраўнік дзяржавы Аляксандр Лукашэнка на сустрэчы з Надзвычайным і Паўнамоцным Паслом В'етнама ў Беларусі До Ван Маем, які завяршае сваю дыпламатычную місію ў краіне. Аляксандр Лукашэнка адзначыў, што В'етнам - адна з найбуйнейшых дзяржаў не толькі Азіяцкага рэгіёну, але і планеты. Прэзідэнт Беларусі выказаў упэўненасць, што ў бліжэйшае дзесяцігоддзе В'етнам будзе ў шэрагу самых развітых дзяржаў свету. Беларусь хацела б удзельнічаць у бурным развіцці гэтай краіны. Мы гатовы зрабіць усё для таго, каб інтарэсы В'етнама былі прадстаўлены ў цэнтры Еўропы. Па словах Аляксандра Лукашэнкі, сёння няма перашкод, каб развіваць гандлёва-эканамічныя адносіны.