З пачатку года завод знайшоў партнёраў у шасці краінах. Новымі пакупнікамі брэнда «Палессе» сталі Аўстрыя, Іспанія, Венгрыя, Балгарыя, Эстонія і Турцыя. Зараз беларускія камбайны працуюць ужо ў 26 краінах, ідуць перамовы з Індыяй, Іранам і Пакістанам. Пры ўдзеле Беларускага банка развіцця тэхніку «Гомсельмаша» зараз на выгадных умовах могуць купіць і мясцовыя фермерскія гаспадаркі. Заявак ад беларускіх сельгаспрадпрыемстваў завод атрымаў больш чым на 600 мільярдаў рублёў.