Беларусь зацікаўлена ў далейшым удзеле ў ініцыятыве "Усходняе партнёрства". Аб гэтым заявіў міністр замежных спраў Беларусі Уладзімір Макей па выніках пятага нефармальнага дыялогу міністраў замежных спраў краін - удзельніц ініцыятывы.

Кіраўнік знешнепалітычнага ведамства адзначыў, што адбыўся адкрыты і канструктыўны абмен думкамі, ідэямі і падыходамі адносна далейшага развіцця Усходняга партнёрства.

Еўракамісар па еўрапейскай палітыцы суседства і перагаворах аб пашырэнні Ёханес Хан выказаў удзячнасць беларускаму боку за арганізацыю дыялогу, які, на яго думку, дазволіць удзельнікам паглыбіць агульнае разуменне сітуацыі. Такія сустрэчы даюць магчымасці для дыскусіі.