Беларуска-расійскія сумесныя прадпрыемствы па вытворчасці сельгастэхнікі падпадаюць пад субсідзіраванне ў Расіі. Пра гэта паведаміў журналістам дзяржаўны сакратар Саюзнай дзяржавы Рыгор Рапота пасля сустрэчы з прэм’ер-міністрам Беларусі Андрэем Кабяковым. Ён падкрэсліў, што адзіная прамысловая палітыка - адна з прыярытэтных тэм для Саюзнай дзяржавы. Галоўнае зараз - не дапусціць скарачэння вытворчасці і стварыць роўныя умовы для расійскіх і беларускіх прадпрыемстваў.